Oo nga 'no

Galing lang ako sa inuman kaninang hatinggabi kaya siguro nang nagising ako ng mga 5AM okay ang pakiramdam ko (pero hindi ang sikmura ko). Kakatapos ko lang din manood ng On the Wings of Love at pagkatapos akong iwanan ng kadiring feelings ng lecheng palabas na 'yan ay napadaan ako sa wordpress blog ng direktor nila, si Tonet Jadaone.

"Minsan kailangan mo lang tumigil, at manahimik, para malaman mong ba’t ang dami mo pang hinihiling at pinangangambahan, ba’t ang dami mo pang tanong, e ang totoo, okey lang naman talaga ang lahat. At sa totoo lang, matagal na.#"

Meron pa rin naman akong mga kaibigan na nakakapagpatawa sa akin. Kaya ko pa rin namang ngitian ang mga mababaw na bagay. Maganda pa rin ang pasok ng liwanag ng araw sa kwarto ko kanina. Kaya for a good minute, sa kabila ng lahat ng kaartehan at pangamba ko, naisip ko: okey na okey pa rin naman pala ang buhay.

credits sa blog ni antoinette jadaone